تقريبا معظم الشعب عنده جرثومة المعده وميعرفش
جرثومة المعده وكيفية علاجها والوقايه منها
سؤال - إيه هى جرثومة المعدة ؟
- جواب - دى عبارة عن بكتريا تدخل الجسم عن طريق الاكل والشرب وتفضل عايشة جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...
سؤال - هلى الجرثومه منتشره ولا نادر تواجدها ؟
جواب - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالين تلتين السكان ) ..
س - هل تتسب فى قرحه ؟
ج - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...
س - كيف تدخل الجرثومه الى جسم الانسان ؟
ج - بتدخل مع الأكل والشرب .. وطبعا الاكل والشرب الفاسد والملوث مش كل الاكل والشرب
- الأكل اللى مش نضيف او اللى مش مطبوخ كويس يعنى ني شوية ولذلك بتجي لمعظم الناس اللى بياكلوا من المطاعم خصوصا لو مطعم مش نضيف او الأكل مش مطبوخ كويس ...
- الشرب طبعا اللى مش نضيف وطبعا مصر المية بتاعتها ملانه بكتريا عشان نظام الصرف عندنا داخل مع الرى ومع الشرب ...
س - ايه اضرار الجرثومه على الانسان ؟
ج - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دى ويعمل قرحة معدة ...
س - ايه اعراض القرحه ؟
ج - هتلاقى عندك ألم فى بطنك ومعدتك فاضية وانت جعان ولما تاكل الألم يخف شوية ويرجع يجى تانى بين الوجبات ..
- دايما عندك انتفاخات وغازات
- دايما عندك تكريع
- هتحس بغثيان وممكن ارتجاع
- وزنك هيقل فجأة بدون سبب
س - ايه العلامات اللى اخاف منها الخطيرة ؟
ج - لو فى دم فى الموضوع ..
- سواء دم فى البراز احمر او البراز لونه اسود
- او لو رجعت دم
- او لو الالم على طول مش بيروح او حاسس بتعب شديد وتوهان
س - طيب إزاى اتأكد ان عندى جرثومة المعدة ؟
ج - باالتحاليل اعمل تحليل H.pylori سواء فى الدم او البراز ..
او الطريقة التانية بالمنظار
س - طلعت موجوده عندى ايه العلاج ؟
س - غالبا العلاج بيكون ١٤ يوم
